Sunday, August 07, 2011

«Եթե ռեֆորմիստները հաղթեին, նրանց առաջնորդներն անպայման կսպանվեին». իրանցի պաշտոնյա


Իրանական IRNA գործակալության հաղորդմամբ, Իրանի առաջնորդության և մշակույթի նախարարության մամուլի բաժնի նախկին ղեկավար Մուհամադ Ալի Ռամինը ուսանողների հետ հանդիպման ժամանակ հայտարարել է. «Եթե երկու տարի առաջ դավադիրները (ռեֆորմիստները) հաղթեին և հաջողության հասնեին, նրանց առաջնորդները առաջինն էին, որ Իրանի թշնամիների ձեռքով կսպանվեին: Իրանի ռեֆորմիստները երկրի թշնամիների ձեռքում մեր գերագույն առաջնորդին վնասելու գործիք են»:

Իրանի իշխանություններն ու պահպանողական գործիչները բազմիցս արդարացրել են Միր Հուսեյն Մուսավիին և Մեհդի Քարուբիին տնային կալանքում պահելու փաստը՝ հայտարարելով, որ դա կատարվում է նրանց անվտանգությունը ապահովելու նպատակով:

Մուհամադ Ալի Ռամինը նաև այաթոլլահ Խամենեիին «իմամ» չանվանելու փաստը երկրի թշնամիների դավադրությունը որակեց. «Եթե իմամ Խոմեյնիին փոխարինում է այաթոլլահ Խամենեիին, ինչո՞ւ վերջինիս չպիտի իմամ անվանենք: Մեր համակարգը կառուցվել է իմամ-ժողովուրդ սկզբունքի վրա, այլ ոչ թե արևմտյան՝ պետություն-ազգ հասկացողության վրա»։

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը