Monday, August 01, 2011
Artin Arakelian
Իրանական Saham News լրատվական կայքը հարցազրույց է ունեցել իրանցի կրոնական հետազոտող, ռեֆորմիստ մտավորական Ահմադ Ղաբելի հետ: Զրույցի ընթացքում Ղաբելը, պատասխանելով այն հարցին, թե առաջնորդի կողմից իշխանությունների հարաբերությունները կարգավորելու նոր խորհրդի կյանքի կոչելն ու այաթոլլահ Շահրուդիին որպես նախագահ նշանակելը արդյոք ապացուցո՞ւմ է, որ այաթոլլահ Խամենեիին Շահրուդիին պատրաստում է որպես իր իրավահաջորդի, ասել է.
«Երբ տարիներ առաջ այաթոլլահ Շահրուդին նշանակվեց դատական իշխանության նախագահ, շշուկներ տարածվեցին, որ առաջնորդը իրավահաջորդ է փնտրում: Ես կարող եմ ենթադրել, որ նման խնդիր կա, բայց փաստեր հնարավոր չէ ներկայացնել:
Խոսվում է նաև, թե այաթոլլահ Խամենեիի որդին՝ Մոջթաբա Խամենեին է հաջորդելու հորը: Դրան զուգահեռ, հիշատակվում է նաև այաթոլլահ Մեսբահ Եազդիի անունը: Բայց վստահ կարող եմ ասել, որ առաջնորդի մերձավորները միայն մտածում են, որ եթե այաթոլլահ Խամենեիին մի բան պատահի, միակ մարդը, որ կարող է նրան փոխարինել, այաթոլլահ Հաշեմի Ռաֆսանջանին է: Հենց այդ պատճառով էլ բոլորը փորձում են Ռաֆսանջանիին որևէ կերպ հեռացնել ասպարեզից, որ հերթը ուրիշին հասնի: Այդ գործընթացը արդեն 6-7 տարի է, ինչ սկսվել է, բայց չեմ կարծում, որ կարողանան Ռաֆսանջանիի հետ մրցակցել. միայն նա է, որ կարող է փոխարինել ներկայիս առաջնորդին»:
Արթին Առաքելյան
«Առաջին» Լրատվական
0 Պատգամ:
Post a Comment