Իրանական Bultan News լրատվական կայքի փոխանցմամբ, Իրանի գլխավոր հրամանատար Այաթոլլահ Խամենեիի տեղակալ և խորհրդական Եահյա Ռահիմ Սաֆավին, ապրիլի 18-ին` Իրանի բանակին նվիրված օրվա կապակցությամբ, լրագրողների հետ զրույցում անդրադառնալով Պարսից ծոցի տարածաշրջանում տեղի ունեցող իրադարձություններին, հայտարարել է. «Իրանի զինված ուժերը զսպող հզոր ուժի են տիրապետում և կարող են լիարժեքորեն պաշտպանել երկրի տարածքային ամբողջականությունն ու տարածաշրջանում կայունություն հաստատելով` անվտանգ դարձնել Պարսից ծոցից արտահանվող էներգակիրների հոսքը»:
Սաֆավին, դատապարտելով Բահրեյնում Սաուդյան Արաբիայի զինված ուժերի միջամտությունը, նշել է. «Բահրեյնում Սաուդյան Արաբիայի ռազմական միջամտությունը հակասում է միջազգային իրավունքներին ու համարժեք է ռազմական ներխուժմանը: Բահրեյնում Սաուդյան Արաբիայի միջամտությունը նաև անընդունելի է մարդկային իրավունքների ու իսլամական օրենքների դիտանկյունից:
Սաուդյան Արաբիան պիտի նկատի ունենա, որ հնարավոր է նույն իրավիճակում հայտնվի ու համանման պատրվակներով ինքն էլ ռազմական հարձակման ենթարկվի»:
0 Պատգամ:
Post a Comment