Sunday, April 03, 2011

Թեհրանի քաղաքապետարանը քաղաքից հավաքել է երկրի առաջնորդի պատգամով գովազդային վահանակները

Իրանական Mizan Khabar լրատվական կայքը հաղորդում է, որ Թեհրանի քաղաքապետարանը անվտանգության ծառայությունների պահանջով քաղաքից հավաքել է երկրի առաջնորդ Այաթոլլահ Խամենեիի լուսանկարով ու պատգամով բոլոր գովազդային վահանակները:

Ինչպես արդեն տեղեկացրել է «Առաջին լրատվականը», Իրանի առաջնորդը իրանական նոր տարին անվանել էր «Տնտեսական ջիհադի» տարի: Հետևաբար Թեհրանի քաղաքապետարանը այդ բովանդակությամբ տասնյակ գովազդային վահանակներ էր տեղադրել քաղաքում, որոնք մի քանի օր անց հավաքվել են անվտանգության ծառայությունների պահանջով:

Mizan Khabar-ի մատուցմամբ, երկրի առաջնորդի պատգամը զայրացրել է քաղաքացիներին, երբ կառավարության տնտեսական նոր նախագծերի արդյունքում երկրում գնաճ է արձանագրվել: Կայքը ավելացրել է, որ քաղաքի տարբեր վայրերում քաղաքացիները կանաչ ներկ են թափել հիշյալ գովազդային վահանակների վրա:

Հիշեցնենք, որ կանաչ գույնը խորհրդանշում է Իրանի ռեֆորմիստական շարժման որդեգրած պայքարը:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը