Wednesday, March 02, 2011
Artin Arakelian
Իրանական Naghd News լրատվական կայքը, որը պատկանում է պահպանողական թևին, մարտի 1-ին բացահայտել է մի նամակ, որտեղ ապացուցում է, որ Իրանի նախագահ Ահմադինեժադի մերձավորներից համարվող Աբոլհասան Ֆաղիհը զբաղվել է կոռուպցիայով: Naghd News-ը բացահայտված գործը անվանել է Իրանի կոռուպցիայի ամենակեղտոտ փաստաթուղթը:
Կայքի բացահայտումների համաձայն` Իրանի «Կարմիր կիսալուսին» (Իրանական կարմիր խաչ) կազմակերպության նախագահը, նախկինում, երբ գլխավորում էր Իրանի բարեկեցության կազմակերպությունը, միլիոն դոլարների հասնող ապրանքատեսակները մարդասիրական օգնությունների անվան տակ ներկրել է երկիր ու այդ միջոցով շրջանցել է մաքսային ծառայութունները:
Հատկանշական է, որ նույն մեղադրանքներով է մեղադրվում նաև նախագահի առաջին տեղակալ Մուհամադ Ռեզա Ռահիմին:
Հարկ է նշել, որ վերջին շրջանում, Իրանի պահպանողական ճամբարում լուրջ վեճ է առաջացել Ահմադինեժադի կողմնակիցների ու ընդդիմադիրների միջև, և յուրաքանչյուր կողմ փորձում է մյուս կողմի դեմ նոր բացահայտումներ հրապարակել:
Արթին Առաքելյան
«Առաջին» Լրատվական
0 Պատգամ:
Post a Comment