Monday, March 07, 2011

«Բաքուն իսլամական հիջաբի արգելմամբ պատերազմ է հայտարարում իսլամական ժողովրդին»

Իրանի բանիմացների խորհրդարանի անդամ Այաթոլլահ Հաշեմզադեհ Հարիզին, անդրադառնալով Ադրբեջանի իշխանությունների կողմից իսլամական հիջաբի օգտագործման օրենքին, իր անձնական բլոգում գրել է. 

«Հիջաբը մեր կրոնի անբաժան մասնիկն է, և Ադրբեջանի իշխանությունները իրավունք չունեն խափանել դրա օգտագործումը: Ադրբեջանի իշխանությունները չպիտի այնպես վարվեն, որ իսլամական հոգևորականները նրանց հերետիկոս լինելու մասին հրաման արձակեն: 

Կոմունիստական վարչակարգը երկար տարիներ չկարողացավ իսլամն արմատախիլ անել Ադրբեջանում, իսկ հիմա, երբ իսլամական աշխարհը արթնացել ու ընդլայնվել է, նրանք փորձում են արմատախիլ անել իսլամական կրոնը: 

Բաքվի իշխանավորները այդ քայլով պատերազմ են հայտարարել մուսուլման ժողովուրդներին: Մենք` որպես մուսուլման, Ադրբեջանի իշխանություններից պահանջում ենք կասեցնել հակաիսլամական օրենքների գործադրումը և հիշյալ օրենքը չեղյալ հայտարարելով ուրախություն պարգևել Ադրբեջանի մուսուլման ժողովրդին»:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը