Thursday, March 17, 2011
Artin Arakelian
Ինչպես արդեն տեղեկացրել էր «Առաջին լրատվականը», Բահրեյնի իշխանությունը, Բահրեյնում արտաքին ուժերի միջամտության կապակցությամբ Իրանի կողմից բողոքի հայտարարությունները «անպատկառ միջամտություն» անվանելով, իր դեսպանին հետ էր կանչել Իրանից:
Իրանական Fars գործակալությունը հաղորդում է, որ Իրանի ԱԳ նախարարությունը Բահրեյնում Իրանի դեսպան Մեհդի Աղաջաֆարիին հետ է կանչել:
Իրանական աղբյուրները նշում են, որ դեսպանը խորհրդակցելու նպատակով է հետ կանչվել երկիր:
Իրանի իշխանությունները խիստ դատապարտել են Բահրեյնի ներքին հարցերում Սաուդյան Արաբիայի բանակի միջամտությունը: Իրանը Սաուդյան Արաբիայի արարքը գնահատում է որպես Բահրեյնի գրավում և խիստ մտահոգություն է հայտնել Բահրեյնի շիա մեծամասնության ճակատագրի մասին:
Արթին Առաքելյան
«Առաջին» Լրատվական
0 Պատգամ:
Post a Comment