Wednesday, March 23, 2011
Artin Arakelian
Մարտի 23-ի երեկոյան իրանական IRIB պետական լրատվական գործակալությունը հայտարարեց, որ հայկական կողմը փակել է Մեղրու սահմանը և չի ընդունում իրանցի զբոսաշրջիկներին:
Գործակալության մատուցմամբ, ՀՀ մաքսային ծառայությունները հայտնել են, որ զբոսաշրջիկների թվի բարձր լինելու և Հայաստանում այդ թվով զբոսաշրջիկների համար հարմարության բացակայության պատճառով հրաժարվում են ընդունել իրանցի զբոսաշրջիկներին:
Հիշյալ լուրի հրապարակումից անմիջապես հետո մենք կապ հաստատեցինք Մեղրու սահմանակետի մաքսային ծառայության աշխատակիցների հետ ու փորձեցին խնդիրը ստուգել նրանցից: Մեզ փոխանցված տեղեկության համաձայն, իրանական գործակալության լուրը չի համապատասխանում իրականությանը, և իրանցի զբոսաշրջիկները առանց սահմանափակումների մուտք են գործում ՀՀ տարածք:
Մեզ չհաջողվեց պարզել, թե իրանական պետական լրատվական գործակալությունը ի՞նչ նպատակով է նման լուր հրապարակել:
Արթին Առաքելյան
«Առաջին» Լրատվական
0 Պատգամ:
Post a Comment