Wednesday, March 23, 2011
Artin Arakelian
Իրանական Mehr գործակալության հաղորդմամբ, ՄԱԿ-ում Իրանի դեսպան Մուհամադ Խազային հայտարարել է, որ Իրանը կասեցրել է ՄԱԿ-ում իր ձեռնարկած Նովրուզի տոնակատարությունը: Ըստ Խազայիի՝ Իրանը դա արել է վերջին շրջանում տարածաշրջանում տեղի ունեցող իրադարձությունների պատճառով և մասնավորապես Բահրեյնի ժողովրդին աջակցելու ու ցավակցելու նպատակով:
Հարկ է նշել, որ Իրանի ջանքերով 2010-ի փետրվար 18-ին ՄԱԿ-ում ընդունվեց մի բանաձև, որի համաձայն, մարտի 21-ը ճանաչվեց որպես Նովրուզի միջազգային օր:
Անցյալ տարի առաջին անգամ Թեհրանում տեղի ունեցավ Նովրուզի միջազգային օրվա տոնակատարությունը, իսկ Թեհրանը ընտրվեց որպես Նովրուզի միջազգային օրվա տոնակատարության պատասխանատու:
Ինչպես արդեն տեղեկացրել էր «Առաջին լրատվականը», Իրանի նախագահը մտադիր էր այս տարվա Նովրուզի տոնակատարություններն անցկացնել Աքեմենյան թագավորների «Թախթ Ջամշիդ» տարածքում, սակայն պահպանողական հոգևորականների և քաղաքական գործիչների ճնշումների արդյունքում հրաժարվեց իր մտադրությունից:
Արթին Առաքելյան
«Առաջին» Լրատվական
0 Պատգամ:
Post a Comment