Monday, February 14, 2011

Այսօր Իրանում հայտարարված «Ցասման օրն է»

BBC հեռուստաընկերության պարսկերեն ծառայության փոխանցմամբ, ԱՄՆ փոխնախագահ Ջո Բայդենը, Եգիպտոսի իրադարձությունների կապակցությամբ դիմելով Իրանի իշխանություններին, հայտարարել է. 

«Մենք դիմում ենք Իրանի մեր բարեկամներին. թույլ տվեք՝ ժողովուրդը մասնակցի փետրվարի 14-ի քայլարշավին: Թույլ տվեք՝ ժողովուրդն իր խոսքն ասի, ձեր ժողովրդին ազատեք բանտերից ու թույլ տվեք դերակատարություն ունենալ երկրի ապագան ձևավորելու գործում»:

Սպիտակ տան խոսնակ Ռոբերտ Գիբսն էլ, իր ելույթի ընթացքում անդրադառնալով Իրանի ներքին իրադարձություններին, կրկին հայտարարել է, որ Իրանի իշխանությունները պետք է թույլատրեն ժողովրդին անցկացնել բողոքի խաղաղ ցույցերը. 

«Իրանի իշխանությունները վախենում են ժողովրդի կամքից»: 

Սպիտակ տան խոսնակը, մատնանշելով Իրանի առաջնորդ Այաթոլլահ Խամենեիի ելույթը, որում վերջինս աջակցություն էր հայտնել Թունիսի և Եգիպտոսի ժողովուրդներին, նաև ավելացրել է. «Միջազգային հանրությունը ընդառաջելու է Իրանի ժողովրդի խաղաղ ցույցերին»:

Հիշեցնենք, որ Իրանի ռեֆորմիստական շարժման առաջնորդները փետրվարի 14-ը հայտարարել են Իրանի «Ցասման օր»:

Ի դեպ, փետրվարի 14-ի նախօրեին Իրանում բազմաթիվ ակտիվիստներ ձերբակալվել են, ու խիստ վատացել է ինտերնետային կապը:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը