Friday, January 14, 2011
Artin Arakelian
Nabucco խողովակաշարի տնօրեն Ռայնհարդ Միչեքը գերմանական «Deutsche Welle» ռադիոկայանի պարսկերեն ծառայության հետ ունեցած զրույցի ընթացքում այն դիտարկմանը, թե Իրանը Nabucco-ի նախագիծը տնտեսական է համարում, և հայտարարում է, որ մի շարք երկրների քաղաքական միջամտությունների պատճառով Իրանին չեն թույլատրում մասնակցել այդ նախագծին, պատասխանեց. «Այն, որ Nabucco-ն տնտեսական նախագիծ է, համապատասխանում է իրականությանը, բայց այս պահին Իրանը գազի ռեսուրսների պակաս ունի, և անգամ իր ներքին կարիքները հոգալու համար Թուրքմենստանից գազ է ներմուծում, ուստի նման պայմաններում Իրանը չի կարող Nabucco-ին միանալով՝ Եվրոպային գազ մատակարարել: Բայց հեռանկարում Իրանը, որպես գազային ռեսուրսներով հարուստ աշխարհի երկրորդ երկիրը, հնարավորություն կունենա մասնակցելու Nabucco-ի նախագծին»։
Նշենք, որ փորձագետների կարծիքով, Nabucco-ի նախագիծը առանց Իրանի մասնակության հնարավոր չէ իրականացնել, բայց ԱՄՆ ճնշումների հետևանքով, Իրանը դուրս է մնացել հիշյալ նախագծից: Օրեր առաջ Եվրասիայի հարցերով ԱՄՆ-ի ներկայացուցիչ Ռիչարդ Մորնինգստարը հայտարարեց. «Մինչև Իրանը չլուծի իր միջուկայի աշխատանքների շուրջ առաջացած անհամաձայնություններն ու իր հարաբերությունները չկարգավորի այլ երկրների հետ, հնարավորություն չի ունենալու մասնակցել Nabucco նախագծին»։
Արթին Առաքելյան
«Առաջին» Լրատվական
0 Պատգամ:
Post a Comment