Thursday, January 13, 2011
Artin Arakelian
Իրանի քրիստոնյաների լրատու կայքի հաղորդմամբ, Իրանի քրիստոնյաների հոգևոր առաջնորդներն ու միջազգային հոգեգալստյան (Assemblies of God) եկեղեցու առաջնորդ դոկ. Ջորջ Վուդը կոչ են արել, որ հունվարի 16-ին աշխարհի բոլոր քրիստոնյաները ու նաև Հոգեգալստյան եկեղեցու համայն աշխարհի 60 միլիոնանոց հետևորդները պահքով աղոթեն Իրանում ապրող բոլոր քրիստոնյաների համար:
Ջորջ Վուդը հայտարարել է. «Անհրաժեշտ է, որ աշխարհի բոլոր քրիստոնյաները միջամտեն Իրանում ձերբակալված մեր քույրերի և եղբայրների ազատ արձակման գործին: Եկեք աղոթենք, որ ձերբակալված հավատացյալները անգամ բանտախցերում արժանանան Սուրբ Հոգու ներկայությանը, համբերությամբ տանեն իրենց դեմ իրականացվող բոլոր ճնշումներն ու խոշտանգումները և թե՛ բանտապանների, թե՛ բանտարկյալների համար Քրիստոսի վառ օրինակը հանդիսանան»։
Հարկ է նշել, որ միայն վերջին երեք շաբաթների ընթացքում Իրանի անվտանգության ծառայությունները ձերբակալել են ավելի քան 70 իրանցի քրիստոնյաների, իսկ քրիստոնյա քահանա Յուսեֆ Նադարխանին մահապատժի է դատապարտվել դատարանի կողմից:
Արթին Առաքելյան
«Առաջին» Լրատվական
0 Պատգամ:
Post a Comment