Monday, December 13, 2010

Ադրբեջանի թշնամական գործողություններն Իրանի դեմ

Իրանական «Ջավան» օրաթերթն, անդրադառնալով Իրանի դեմ կատարվող Ադրբեջանի թշնամական գործողություններին, գրում է. «Ադրբեջանի Հանրապետությունը վերածվել է Իրանի դեմ թշնամական գործողություններ իրականացնող բազմաթիվ խմբակցությունների կենտրոնի: Ադրբեջանը տարիներ է ինչ Արևմուտքի քաղաքականությունների հովանու ներքո, Իրանի դեմ իրականացնում է թշնամական գործողություններ և վերջին շրջանում զարգացրել է հիշյալ գործողությունները»:
«Ջավանը» այդ թշնամական գործողությունները թվարկելով շարունակության մեջ գրում է. «Հիշյալ թշնամական գործողություններն են. 
1. Իրանի Իսլամական Հանրապետության դեմ ձևավորել ազգայնամոլական խմբակցություններ, 
2. Անջատողական խմբավորումների ուսուցում, զինավորում և աջակցություն ցուցաբերել, 
3. Անջատողական տարրերին ամբիոն և մամուլ տրամադրել, 
4. Տեղական էթնիկ ցեղախմբերի հրահրում, վաճառականների, գործարարների, մշակութային հաստատությունների և հոգևորականների միջոցով, 
5. Ալկոհոլային ըմպելիքների և մշակութային այլ ախտերի ներմուծում, 
6. Անբարոյականության տարածում և քարոզչություն Իրան-Ադրբեջան սահմանագծում, 
7. ԱՄՆ-ին ու Իսրայելին թույլատրել, որ Ադրբեջանի սահմաններից խուզարկեն Իրանի տարածքը»:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը