Tuesday, March 22, 2011
Artin Arakelian
Իրանական Fars գործակալության հաղորդմամբ, անկախ ուսանողական իսլամական խորհուրդների միության քարտուղար Մուհամադ Աֆքանեն հայտարարել է. «Բահրեյնի, Լիբիայի և Եմենի մուսուլման ժողովրդի բնաջնջումը դառնացրեց Նովրուզը Իրանի ժողովուրդի համար: Իրանի զորքերը կարողություն ունեն Բահրեյնից դուրս հանելու Սաուդյան Արաբիայի ուժերին, բայց մի քանի հազար ուսանողներով էլ կկարողանանք պայքարել Սաուդյան Արաբիայի զինվորների դեմ»:
Հարկ է նշել, որ վերջին օրերին, Իրանի կառավարության կողմնակից այլ ուսանողական խմբակցություններ էլ բողոքի ցույցեր էին կազմակերպել Թեհրանում Բահրեյնի և ՄԱԿ-ի դեսպանատների առջև ու Իրանի իշխանություններից պահանջել, որ իրենց թույլ տան մեկնել Բահրեյն ու պայքարել Սաուդյան Արաբիայի զորքի դեմ:
Ինչպես արդեն տեղեկացրել էր «Առաջին լրատվականը», իրանական մի շարք կազմակերպություններ սկսել են մահապարտներ հավաքագրել Բահրեյնում Սաուդյան Արաբիայի ուժերի դեմ պայքարելու նպատակով:
Արթին Առաքելյան
«Առաջին» Լրատվական
0 Պատգամ:
Post a Comment