ԵՄ արտաքին քաղաքականության ղեկավար Քեթրին Էշթոնը հայտարարել է, որ հնարավոր է` Իրանի ԱԳ նախարար Ալի Աքբար Սալեհիի դեմ կիրառված սահմանափակումները վերացվեն, և նա հնարավորություն կունենա այցելել ԵՄ երկրներ:
BBC հեռուստաընկերության պարսկերեն ծառայության փոխանցմամբ, Քեթրին Էշթոնը, որը ՄԱԿ ԱԽ նիստին մասնակցելու նպատակով մեկնել է Նյու Յորք, լրագրողներին փոխանցել է.
«Սալեհին Իրանի ԱԳ նախարարն է, և խնդիրն այն է, որ առհասարակ ԱԳ նախարարները պիտի դուրս գան պատժամիջոցների ցանկից, որովհետև մենք հնարավորություն պիտի ունենանք հանդիպելու այդ երկրի ԱԳ նախարարի հետ: Ես ինքս շատ եմ ցանկանում հանդիպել Սալեհիի հետ, որովհետև նա կարևոր դերակատարություն է ունեցել Իրանի միջուկային աշխատանքների գործում և լավ իրազեկված է դրանց մասին:
Սալեհիին ԱԳ նախարար նշանակելը ապացուցում է, որ Իրանի հետ բանակցությունները նոր ընթացք կարող են ստանալ: Ես մի քանի առաջարկ եմ ներկայացրել Իրանի բանագնաց Ջալիլիին, ու սպասում ենք, թե իրանական կողմը ինչ քայլ է ուզում կատարել: Եթե Իրանը չցանկանա փոխել իր ընթացքը, միջազգային հանրությունը շարունակելու է իր ճնշումների իրականացումը»:
Արթին Առաքելյան
«Առաջին» Լրատվական
0 Պատգամ:
Post a Comment