Thursday, April 07, 2011

Ահմադինեժադի եղբայրը դիմել է թուղթ ու գիր անողներին

Իրանական Azadi News լրատվական կայք փոխանցմամբ, Իրանի նախագահ Մահմուդ Ահմադինեժադի մերձավորներից մեկը հայտնել է, որ նախագահի եղբայրը՝ Դավուդ Ահմադինեժադը դիմել է թուղթ ու գիր անողների օգնությանը նախագահի շրջապատի կախարդանքներն ու մոգությունները խափանելու համար:

Կայքի փոխանցմամբ, օրեր առաջ, երբ նախագահի եղբայրը գտնվել է Ահմադինեժադի տանը, նախագահը նկատել է իր եղբոր բացակայությունը ու նրան փնտրելով, գտել է տան ծաղկամանի մեջ ինչ-որ իր թաղելու ժամանակ: Երբ հետաքրքրվել է, թե դա ինչ է, գտել է, որ դա թուղթ ու գիր անող մի կախարդի կողմից պատրաստված աղոթք է, ու երբ իր եղբորից բացատրություն է պահանջել, նա էլ ճարահատված խոստովանել է, որ դա նախագահին ու նրա շրջապատին կախարդանքներից ազատելու աղոթք է: 

Մահմուդ Ահմադինեժադը զայրանալով իր եղբորը հորդորել է հեռու մնալ սնահավատներից ու փորձել առաջնորդվել իսլամական հավատքով:

Հարկ է նշել, որ նախագահի եղբայրը համարվում է նախագահական գրասենյակի ղեկավար Ռահիմ Մաշայիի խիստ քննադատներից ու համոզված է, որ նա նախագահին թուղթ ու գիր անելով փորձում է նրան տանել իր ցանկությունների ուղղությամբ:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը