Wednesday, March 16, 2011

Իրանի և Թուրքիայի ԱԳ նախարարները հեռախոսազրույց են ունեցել

Իրանական IRNA գործակալությունը հաղորդում է, որ Իրանի ԱԳ նախարար Ալի Աքբար Սալեհին մարտի 15-ին երկու անգամ հեռախոսազրույց է ունեցել Թուրքիայի ԱԳ նախարար Ահմեդ Դավութօղլուի հետ:

Թուրքական աղբյուրների համաձայն` ԱԳ նախարարները իրենց զրույցներում քննարկել են տարածաշրջանային վերջին իրադարձություններին և Իրանի միջուկային աշխատանքներին առնչվող հարցեր:

Շրջանառվող լուրերի համաձայն` Սալեհին Դավութօղլուի հետ քննարկել է Բահրեյնում արտաքին ուժերի միջամտության խնդիրը:

Թուրքիայի ԱԳ նախարարության հրապարակած զեկույցի համաձայն` նույն օրը Դավութօղլուի հետ են կապվել նաև Բահրեյնի, Սաուդյան Արաբիայի և ԱՄԷ-ի ԱԳ նախարարները:

Հատկանշական է, որ Թուրքիայի վարչապետ Էրդողանը, Մոսկվա մեկնելուց առաջ քննադատելով Բահրեյնում արտաքին ուժերի միջամտության փաստը, հայտարարել է. «Մենք տարածաշրջանում նոր Քարբալա չենք ցանկանում»:

Հիշեցնենք, որ Թուրքիայի վարչապետի նշած Քարբալան այն վայրն է, որտեղ Մուհամեդ մարգարեի թոռը՝ Իմամ Հուսեյնը, պատերազմելով իշխան Եզիդի դեմ, բոլոր զինակիցներով նահատակվել է:

Արթին Առաքելյան
«Առաջին» Լրատվական

0 Պատգամ:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը