Friday, November 26, 2010

Իսրայելի բանակը դիմեց Facebook-ի օգնությանը

Իսրայելի բանակը կրոնական դրդապատճառներով զինծառայությունից խուսափող կանանց հայտարարությունների ճշգրտությունը ստուգելու համար դիմել է Facebook սոցիալական ցանցի օգնությանը:
Ըստ Իսրայելի բանակի հայտարարության՝ մոտ 1000 կին քաղաքացիներ հայտնել են, թե ուղղափառ հրեականության հետևորդ են, և այդ իսկ պատճառով խուսափում են իրենց պարտադիր զինծառայությունից: Իսրայելի բանակն այդ հայտարարությունների ճշգրտությունը ստուգելու նպատակով քննում է հիշյալ կանանց Ֆեյսբուքի անձնական էջերը: Ըստ բանակայինների՝ նրանք, որոնք իրենց ֆեյսբուքի լուսանկարներուն երևում են «բաց» հագուստներով, և կամ ուրբաթ գիշերներն անցկացնում են ակումբներում և ռեստորաններում, որը մեղք է համարվում ուղղափառ հրեաների համար, պարզվում են, որ սուտ հայտարարություն են կատարել, միայն զինծառայությունից խուսափելու նպատակով:
Վիճակագրությունների համաձայն՝ Իսրայելի 35% կանայք, զինծառայությունից խուսափելու նպատակով, հայտարարում են, թե իրենք հետևում են ուղղափառ հրեականության ուսմունքին: Իսրայելում զինծառայությունից ազատվելու պայմաններից մեկը ուղղափար հրեականության ուսմունքներին հետևելն է:
Պետք է ավելացնել, որ Իսրայելում զինծառայությունը պարտադիր է բոլոր քաղաքացիների համար, որի տևողությունը տղաների համար՝ երեք, իսկ աղջիկների համար երկու տարի է:

Արթին Առաքելյան
«Առաջին» Լրատվական

2 Պատգամ:

javakhk said...

Հետաքրքիր է, որ այստեղ կարող եմ քոմենթ գրել LJ-ից...

Artin Arakelian said...

Իհարկե կարող ես, բայց ցավոք LJ-ում նմանը հնարավոր չի...

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը