Ե՞րբ են կովերը շատ կաթ տալիս

ՆՈՐ ԱԼԻՔ - Այսօր մի հետաքրքիր գրութեան հանդիպեցի, որը շատ ուշագրաւ էր: Արդեօք գիտէք կովերը ե՞րբ եւ ի՞նչ պայմաններում բնականից աւելի են կաթ տալիս: Կարելի է ենթադրել թէ պատասխանը պիտի վերաբերւի կլիմային, կերին եւ ... : Բայց այս բոլորով հանդէրձ նաեւ կայ մի այլ ազդակ, որը պատճառ է դառնում կովերը բնականից աւելի շատ կաթ տան: Բրիտանացի փորձագէտները վերջերս յայտարարել են, թէ այն կովերը, որոնք իրենց համար անձնական «անուն» ունեն, տարեկան 3.4% աւելի շատ կաթ են տալիս: Սա կարող է զարմանալի թւալ, բայց փորձագէտները 516 կովաբուծարանում կատարած իրենց փորձերի արդիւնքում համոզւել են, որ այն կովաբուծարաններում, ուր կովերը իրենց անձնական անուններն ունեն, աւելի շատ կաթ են տալիս համեմատ այն կենտրոնների, ուր կովերը ճանաչւում են, լոկ որպէս կով: Ըստ փորձագէտների կովերը, մարդու նման, երբ յատուկ ուշադրութեան արժանի են դարռնում աւելի ուրախ, երջանիկ ու բաւարարւած են զգում իրենց, քան այն ժամանակ երբ ոչ մի կերպ ուշադրութիւն չի դարձւում: